លោកជំទាវប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គាធិការ ដឹកនាំគណៈប្រតិភូចុះធ្វើអធិការកិច្ចនៅមន្ទីរពាណិជ្ជកម្មខេត្តតាកែវ
ថ្ងៃផ្សព្វផ្សាយ: ថ្ងៃទី២៦ ខែកញ្ញា ឆ្នាំ២០២៣ - ប្រភេទព័ត៌មាន: សកម្មភាពរបស់ថ្នាក់ដឹកនាំអគ្គាធិការដ្ឋាន
(តាកែវ)៖ នាថ្ងៃចន្ទ ១១កើត ខែភទ្របទ បញ្ចស័ក ព.ស.២៥៦៧ ត្រូវនឹងថ្ងៃទី២៥ ខែកញ្ញា ឆ្នាំ២០២៣ លោកជំទាវ តាំង សុគន្ធមាលា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គាធិការ បានដឹកនាំគណៈប្រតិភូអធិការកិច្ចនៃអគ្គាធិការដ្ឋាន ក្រសួងពាណិជ្ជកម្ម ចុះធ្វើអធិការកិច្ចលើការងារគ្រប់គ្រងបុគ្គលិក-រដ្ឋបាល ការគ្រប់គ្រងហិរញ្ញវត្ថុ ការផ្តល់សេវាសាធារណៈ ការគ្រប់គ្រងទ្រព្យសម្បត្តិរដ្ឋ និងការអនុវត្តអនុលោមភាពនៃច្បាប់ និងបទប្បញ្ញត្តិនានា នៅមន្ទីរពាណិជ្ជកម្មខេត្តតាកែវ។
